Жанчыны ў камандах ЧБ – рэдкасць. Але ім даверыліся ў «Гомелі», «Дынама» і БАТЭ
Вось за што яны адказваюць.
Жанчыны ў прафесійных мужчынскіх футбольных камандах дагэтуль рэдкасць. Беларускі футбол тут не выключэнне. Тым не менш у некаторых клубах вышэйшай лігі побач з мужчынамі працуюць і жанчыны. Расказваем пра гэтыя ўнікальныя выпадкі.
Дзіяна Тропнікава, 37 гадоў
Трэнер па навукова-метадычнай працы ў мінскім «Дынама» з сезона-2009 – даўжэй, чым усе астатнія цяперашнія трэнеры каманды разам узятыя. У яе абавязкі ўваходзіць фізічная падрыхтоўка гульцоў. У 2018-2019 гадах Тропнікава пакідала мінчукоў, каб выконваць аналагічныя абавязкі ў дублі маскоўскага «Дынама».
Цікава, што Тропнікава магла б сёння знаходзіцца ў дэкрэтным адпачынку – у сакавіку 2022-га ў яе нарадзіўся сын. Але спецыялістка палічыла за лепшае працягнуць кар'еру, прычым не толькі трэнерскую – Тропнікава яшчэ і гуляе ў жаночым ЧБ за «Зорку-БДУ» (у бягучым сезоне правяла 4 матчы і забіла 1 мяч).
Кацярына Барбанава, 40 гадоў
Ураджэнка Гомеля мае дзве вышэйшыя адукацыі: скончыла факультэт замежных моў у мясцовым універсітэце імя Францыска Скарыны і мінскім БІП па спецыяльнасці юрыст-міжнароднік.
У «Гомелі» працуе трэнерам-відэаператарам. У яе абавязкі ўваходзіць відэаздымка трэнінгаў і афіцыйных матчаў, а таксама стварэнне і размяшчэнне на афіцыйным сайце відэааглядаў. Калі «Гомель» удзельнічае ў еўракубках, Барбанава да ўсяго іншага выконвае функцыі перакладчыка.
Аліна Талай, 34 гады
Рэкардсменка Беларусі ў бар'ерным бегу абʼявіла пра завяршэнне карʼеры ў канцы лістапада мінулага года. Талай так і не змагла цалкам аднавіцца ад разрыва ахілавага сухажылля, што атрымала яшчэ ў траўні 2021-га:
Але са спорту рэкардсменка краіны не сышла. Цяпер яна трэнуе не толькі сябе (такое здаралася падчас прафесійнай кар'еры), але і аматараў, а яшчэ працуе у сістэме БАТЭ. У сакавіку ў яе інстаграме зʼяўляліся відэа з заняткаў дубля барысаўцаў. А 21 красавіка Талай павіншавала БАТЭ U-18 з перамогай над аднагодкамі з мінскага «Дынама»:
Цікава, што раней Талай крытыкавала футбол, дакладней, узровень заробкаў у ім. Калісьці дзяўчына лічыла, што футбалісты атрымлівалі не абгрунтавана вялікія грошы. У 2016-м яна ў цэлым наракала, што «нават Усэйну Болту плацяць за рэкорд столькі, колькі дастаткова сярэдні еўрапейскі футбаліст атрымлівае за пару месяцаў», а пасля аднай з паразаў зборнай Беларусі задалася пытаннем: «Яшчэ больш грошай на футбол?»
